ما ودي إنك تعشقيني وانا ميت
ولا ودي إنك تدفنيني وأنا حي
يكفيني إني من زماني تكويت
لا لا تزيدي يالغلا موجع الكي
يابنت أنا من كذب الايام مليت
لا شمس تاصلني ولا بارد الفي
أنا سجين الهم عشت وتسميت
يأسي تمرد والصبر عندي شوي
خان الزمن عهدي وانا بعهده اوفيت
عايش غريب الدار في دنيتي ذي
بي طعنة لو طاولتني توفيت
وصدري يصوغ النار من ضيقةٍ بي
والله معك لاصرت عني تخليت
لاني جسد. . والروح ماعادها لي
وابعتذر كاني بظرفي تماديت
وابعترف ماعاد عندي ولاشي
ولا تسأليني كيف عايش وانا ميت
ماقد سمعتي قالو (الميت..الحي)
هذا انا. . وازيدك من الشعر بيت
عمر العمى ماشاف لو ولع الضي
Ahlamontada 
موضوع: قصيدة الميت الحي 
06/05/11, 07:32 am
