نسيت النوم..رضا

يحتاجو حضني يضمهم
يجوني يشكو همهم
أسيب دموعي تشتكي
وامسح بإيدي دمعهم
واطبطب عللي قلبو حزين
واصبر ناس واريح ناس
واجيب صبر لده كللو منين
انا موجوع تعبت خلاص
نسيت النوم
ويوم ورا يوم
هموم بالكوم
وادور عللي حبوني
شبعت عذاب
بدق الباب
مفيش احباب
مفيش غير دمعة في عيوني
حاولت اهرب من الألم
دويت جراح اللي اتظلم
أحلم بقلب يحبني
واصحى على صرخة ندم
يعدي كل يوم ويفوت
واقول بكرى اكيد ح ارتاح
حبايبي ليه سبوني بموت
خلاص زمن الحبايب راح
نسيت النوم
ويوم ورا يوم
هموم بالكوم
وادور عللي حبوني
شبعت عذاب
بدق الباب
مفيش احباب
مفيش غير دمعة بعيوني