جبت قلب منين..ميادة الحناوي

قوللي يللي كنت اغلى الناس عليا
جبت قلب منين يطوعك عالقسيه
ريحني قوللي حكايتك ايه
جرحت قلب حبيبك ليه
قسيت عليا ليه
غدرت بيا ليه
قوللي بللي كنت اغلى الناس عليا
جبت قلب منين يطاوعك عالقسيه
حبينا ودبنا في بعضينا
وشبكنا قلوبنا وليالينا
وبنينا وعللينا قصور
يا حبيبي بنينا وعللينا
وفرشنا الاحلام في النور
ومسكنا الأفراح بإيدينا
وفي غمضة عين يا حبيبي
وفي غمضة عين
كل ده راح فين يا حبيبي
كل ده راح فين
كل ده كان حب
مش ممكن
كل ده كان كذب
مش ممكن
قسيت عليا
غدرت بيا
قللي يللي كنت اغلى الناس عليا
جبت قلب منين منين منين
جبت قلب منين يطوعك عالقسيه
يللي غدرك اقوى من غدر الزمان
كان مخبي فين ده كللو من زمان
يللي من غير ذنب بتخاصم حبيبك
للزمان للظلم للأحزان حسيبك
وانا حاقدر اعيش من غيرك
وحياتك أقدر اعيش
وحاغني للعاشقين
ولا حاسأل في اللايمين
يا باكي عللي خان
ابكي النهار ده كمان
وخلص الأحزان
بدال ما تبكي سنين
يا باكي عللي خان
ابكي النهارده كمان
بس اوعى دمك بان
تفرح الخاينين
قسيت عليا
غدرت بيا
قوللي يللي كنت اغلى الناس عليا
جبت قلب منين
يطوعك عالقسيه