طول الوقت..مصطفى كامل

طول الوقت
وانت بتخدع وانا مش فاهم
سايب روحي وعايش واهم
بتعيشني في دنيا جميلة
بتسهرني ليالي طويلة
كل يومين توعدني بوعد
وبتحلفلي ان احنا لبعض
كل ما نبعد ترجع تاني
وتأكدلي ان انت عشاني
وانا من طيبتي وطيبة قلبي
صدقت
طول الوقن
وانا في بحور اوهامك عايم
قلبي يا عيني مغمض نايم
فكرك شط وبر ومرسى
كل ما تكبي بسامح وانسى
ماشي بكل عواطفي معاك
فاكر قلبك قلب ملاك
وانت بتزرع جرحي ويأسي
وانا بضحك على روحي ونفسي
كان لازم افوق من وهمي
وانا فقت
ليه الحب يهون تخدع ليه وتخون
ليه ما قدرتش ليه ما عرفتش مره وحدة تصون
ليه الظلم حرام
ليه كل الأوهام
افضل اداوي جراحك وارجع
وانا كللي الآم
ليه ليه ليه
طول الوقت
وانت معايا بكل غرورك
لسى مصر تكمل دورك
لسى بتلعب دور الخاين
بس برافو عليك مش باين
كل ما حس بغدرك يوم
ترجع تاني تقول مظلوم
ابدأ اصدق تاني دموعك
وافرح تاني بطعم رجوعك
اعمل ايه ما انا جوا بحور الوهم
غرقت
طول الوقت
وقلبك خاين زي ما هوه
وانا على وعدي بحب بقوة
عمري ما كنت اتصور انك
كل الغدر ده يطلع منك
انا صدقني بجد حزين
مش على هوا ولا شوق وحنين
على ايام عمري اللي تسرقت
على احلام قلبي اللي اتحرقت
اندم اني مشيت وياك
وبدأت
بندم عالأنسان اللي عشقتو وخان
اللي هويتو واللي اديتو كل شوق وحنان
بندم عالمشوار اللي انتهى بالنار
ما انا وعينيا وقلبي وروحي
ما عرفناش نختار
ليه ليه ليه
طول الوقت
وانت بتخدع وانا مش فاهم
سايب روحي وعايش واهم
بتعيشني في دنيا جميلة
بتسهرني ليالي طويلة
كل يومين توعدني بوعد
وبتحلفلي ان احنا لبعض
كل ما نبعد ترجع تاني
وتأكدلي ان انت عشاني
وانا من طيبتي وطيبة قلبي
صدقت